(1)
قل وحدتي ثوب مو مكوي... وسخ كمي
...............................قل .. منشفه باليه... قل.. فرشة اسناني
أسوي الأكل وحدي .........وحدي أسمي
................................ملعون ابو السفره اللي ما بها ثانــــــي
ويني انا.. ااااه...قل وينه طبيخ امـــــي
...............................ياغلطة اليتم ......ليت اليتم عداني
أمشي .. ولاوين.. مدري... بس نشف دمي
.....................................قل طز...في عمر خذا مني ولا اعطاني
الهم ...ماهوفي اللي قلت......... ياهمي
.................................. الهم.......فيما بغيت أقول.....ممداني
ياعم طنش .... وكم طنشت... ياعمي
................................. ياكبرها دمعة........ من عيييييين زهراني
((2))
لا ورب البيت ..... والهم .....وسريري
................................... لا ورب الحرن .......... وامواس الحلاقة
جيت أجمل وجهــــي البارح.... لغيري
................................شفت وجهي ............. ماله بوجهي علاقـــة
(3)
ليه الوجع .....أو مزاجي .... ليه متقلب
................................... عزابي ان ضقت...... وان ماضقت عزابي
أكنس....وارتب.. وانا ماني بمترتب
................................. أغسل ..... وانا ناسي الأوراق بثيابي
هنا جرايد ...... هنا علبه هنا شبشب
.................................... هناك باقي الغدا ........ وهناك شرابي
ما فيه أحد دق بابي .... ايه .. ليش اكذب
.....................................بس الفواتير ... هي بس..... عارفه بابي
(4)
للناس مستقبل ..... تمشي ..... وتسعى له
....................................... الا أنا ...... عايش مستقبلي : ماضي
يلعن ابو الهم ..... والدخان ..... وسعاله
...................................... واقداري الغصب .... واللي عشتها راضي
ياوحدتي .... ما سألتك ليه هالحــــــاله
.................................. طفايتي ليه مليانه............. وانا فاضي
